Վեգետատիվ-անոթային դիստոնիա. armeniamedicalcenter.am

Վեգետատիվ-անոթային դիստոնիան  (ՎԱԴ) վեգետատիվ գործառույթային խանգարումներով հիվանդություն է՝ տարբեր դրսևորումներով, և ախտորոշվում են ախտանշանների հիման վրա:

Ախտանշաններ

Դրանք և՛ հոգեբանական բնույթի խանգարումներ են, և՛ նյարդաբանական, և՛ սրտաբանական, և՛ անոթային:

Հոգեբանական ախտանշաններից է տագնապային վիճակը, սոմատիկ ախտանշաններից` սրտի աշխատանքի խանգարումները (զգացողություններ՝ «խփում է», «կանգնել է» և այլն), ձեռքերի և ոտքերի սառնությունը, առատ քրտնարտադրությունը, զարկերակային ճնշման տատանումները (ցավ և ծանրության զգացում` գլխում և քունքերում), գիտակցության մթագնում և այլն:  

ՎԱԴ-ով տառապող մարդիկ եղանակի փոփոխություններին դառնում են չափազանց զգայուն:

Բուժումը կազմակերպելիս հաշվի է առնվում այն, որ ՎԱԴ-ը համախտանիշ է, այսինքն, ախտանշանների մի ամբողջ փունջ, ուստի բուժումն էլ պետք է լինի համակարգային:

Բուժումը

• Ընդհանուր առողջարարական միջոցառումներ՝ ուղղված գերհոգնածության, անքնության, սթրեսների դեմ:
• Դեղորայքային թերապիա. առաջին հերթին, պետք է ազդել ՎԱԴ-ի հետևանքով զարգացած հիմնական հիվանդության վրա:

Նշանակվում են նաև հոգեմետ և նեյրոտրոպ միջոցներ:

• Ռեֆլեքսաթերապիա:

Կանխարգելումը

• Մարմնամարզություն
• Լող և վազք

Հարցեր, պատասխաններ, մեկնաբանություններ